مكونات وطريقة تحضير كباب الحلة اللذيذ 2016 Kebab Hilla

نقدم لحضراتكم اليوم كباب الحلة اللذيذ بافضل طريقه سهله وبسيطه ولو عايزة تتجددى الاكلات التقليدية اللى بتعمليها ادخلى شوفى الاكلات اللى بنقدمها فى صفحتنا اكلات لذيذة ومفيدة وتتعمل بسهولة جدا وكمان هتحبيها اوى هنعم اكلة اليوم كباب حلة بطريقة مبسطة فالكثير منا يذهب الى المطاعم بحثا عن هذه الاطعمة.

مكونات وطريقة تحضير كباب الحلة اللذيذ 2016 Kebab Hilla

مقادير عمل كباب الحلة

1- نصف كيلو لحمة
2- نقطع بصل حلقات وبصل مبشور
3- توم متقطع
4- ملح وفلفل وتوابل
5- شوربة
6- سمنة
7- شوفان

طريقة تحضير كباب الحلة
هنحط السمنة فى الطاسة او الحلة لغاية ماتقدح
وننزل عليها البصل الحلقات والمبشور
لغاية مالونه يصفر
وبعدها ننزل عليه التوم
ونحط عليهم اللحمة ونقلبهم فيه
طبعا اللحمة مش هتكون نية هتكون واخده قبلها نص سلقة
هنحط ملح وفلفل وبعدها نغطيها بشوربة اللحمة اللى اتسلقت فيها
نسيبها تستوى او تكمل سواها براحتنا
طبعا الشوربة اللى حطيناها دى هى الصوص
بس عشان نتخنه قدامنا 3 حاجات
ياتحطى كريمة طبخ
او تحطى كوباية ميه وفيها معلقتين دقيق متدوبين
ياتحطى شوفان زى مانا عملت
واى خطوة من دى هتكون قبل ماتطفى بربع ساعة
انا عملت معاه رز وسلطة خضرا